Brava Java Coffee

營業中

休息中

麻雀雖小，五臟俱全，室內户外加埋20個位左右。裝修利用葡萄牙藍白花磚，配搭同款杯碟，影相打卡好睇，又有種異國風情嘅感覺，可惜位置比較迫，坐得唔耐。小店家庭式營業，有收加一，但樓面落單少混亂，上菜比較慢，態度友善，整體而言值得一試、值得等待！*牛油果醬酸種吐司 $78酸種麵包有份量，烘熱後依然微濕潤，帶麥香、發酵酸味，係我喜歡嘅口感+味道。牛油果醬有一大球，份量多，軟綿又帶顆粒感，調味比較少，配少少忌廉芝士嘅奶香啱啱好。沙律菜、番茄仔新鮮，配油醋好健康。唔知點解咁好食，現場、instagram、openrice都冇乜人食🥲*Cold brew (white) $50好好飲！凍冰冰，奶味濃郁，咖啡味更加濃厚，好似飲緊朱古力咖啡牛奶。