祥興咖啡室

營業中

休息中

星期六下午經過跑馬地，第一次試食快活谷名物 - 祥興咖啡室估唔到一個人來吃，兩點半都要排長龍，等咗接近半個鐘先有位，令人又肚餓又期待 記得先入店內取票，之後再排隊啊 等咗 8 張枱，終於排到門口，好期待 一個人來到，雖然要搭枱，但座位都算寬敞今次試吓下午茶餐 comfort food 瑞士雞翼湯麵套餐，瑞士汁剛好，唔會太鹹，雞翼同麵都比較腍，不過整體上都算好味，唔係好油膩. 奶茶都係有水準的發揮，都算香滑 酥皮蛋撻果然係祥興必食推介 酥皮非常鬆化，內餡唔會好甜，但有蛋味，本來想買多兩個返屋企俾家人食，但食完茶餐 3:30 已經賣晒 下次要早啲買先得，希望下次可以試埋另一個招牌推介 菠蘿油