明星樓

營業中

休息中

閨蜜聚會講事講非，揀咗尖沙咀柯士甸站戲曲中心嘅明星樓。呢度我第一次嚟，發覺交通比想像中方便。今日高朋滿座，有人book咗場搞聚會，唱K好大聲有啲騷擾。我哋叫咗個套餐。主要係家常小菜：明星五小碟，黑毛豬咕嚕肉、韭菜花炒鮮鮑片、滑蛋鮮茄炒蝦仁，斑腩蕃茄豆腐湯、蛋白杏仁茶。小菜都有水準；上菜亦快。個魚湯冇落味精，都算鮮甜，甜品就差啲。晚飯小菜可以，但傾偈嚟講真係太嘈太騷擾，下次應該唔會再揀呢度。