影片
更多
2025-04-30
0 瀏覽
我本身係好鍾意食酒店半自助餐，就係貪佢質素高啲又抵食。但今日去呢間，個”抵食”更加係出乎意料 - 買一送一，連加一每位折實$275 😱。呢間位於觀塘九龍東如心酒店嘅餐廳，其實一向都有做半自助餐。但最近見到佢網頁，逢星期一至四做買一送一，而且已經包埋每位主菜，任食嘅海鮮、刺身、甜品不特止，就連酒店一般要加錢嘅飲品吧都包埋。先講吓主菜部份。最誇張嘅係四位用嘅烤斧頭牛扒 (+$120，真係好誇張，佢仲用火槍燒一燒)，同埋四位用嘅西班牙烤乳豬(不用加錢)。除此以外，香煎大虎蝦(+$100)都好大隻又彈牙。另外佢仲有好多款主菜係唔使加錢，任君選擇。當然，任食區同樣係重心，不能馬虎。呢度嘅海鮮區已經有長腳蟹，我諗淨係食長腳蟹都可以回本…仲有蝦同蜆等等。刺身亦係回本嘅地方。呢度嘅刺身選擇都好多，三文魚吞拿魚等等一應俱全。但對我嚟講，其實我好鍾意食cold cut，呢度居然都好齊備，三種唔同嘅芝士、火腿、煙三文魚等等，我自己都拎咗幾轉😆。特別要講講佢嘅沙律，係近期流行嘅水耕沙律嚟。其他湯品、麵包，講唔晒了，不過都要講埋佢每個月會有啲特別主題，好似而家佢會有棉花糖薄餅、韓式辣雞等定時供應。仲要食甜品喎。
呢間位於觀塘九龍東如心酒店嘅餐廳，其實一向都有做半自助餐。但最近見到佢網頁，逢星期一至四做買一送一，而且已經包埋每位主菜，任食嘅海鮮、刺身、甜品不特止，就連酒店一般要加錢嘅飲品吧都包埋。
先講吓主菜部份。最誇張嘅係四位用嘅烤斧頭牛扒 (+$120，真係好誇張，佢仲用火槍燒一燒)，同埋四位用嘅西班牙烤乳豬(不用加錢)。除此以外，香煎大虎蝦(+$100)都好大隻又彈牙。另外佢仲有好多款主菜係唔使加錢，任君選擇。
當然，任食區同樣係重心，不能馬虎。呢度嘅海鮮區已經有長腳蟹，我諗淨係食長腳蟹都可以回本…仲有蝦同蜆等等。刺身亦係回本嘅地方。呢度嘅刺身選擇都好多，三文魚吞拿魚等等一應俱全。
但對我嚟講，其實我好鍾意食cold cut，呢度居然都好齊備，三種唔同嘅芝士、火腿、煙三文魚等等，我自己都拎咗幾轉😆。特別要講講佢嘅沙律，係近期流行嘅水耕沙律嚟。其他湯品、麵包，講唔晒了，不過都要講埋佢每個月會有啲特別主題，好似而家佢會有棉花糖薄餅、韓式辣雞等定時供應。
仲要食甜品喎。呢度蛋糕款式唔算多，但包括藍莓芝士同Tiramisu都幾好食。連馬卡龍同Häagen-Dazs雪糕都有，其實回本真係唔難。
而最難得嘅係佢包埋自助飲品吧，凍熱咖啡茶，自己慢慢玩。當然都可以另加錢飲埋紅酒，今晚我就飲埋紅酒嚟襯牛扒同芝士。可以喺酒店咁樣玩，講就講到好高級，其實好平就做得到。
張貼
