圃公館 (已結業)

去到灣仔同跑馬地交界嘅帝盛酒店，高價地段，當然會對食物有所要求。先嚟小食精緻之餘，味道都唔錯，青瓜全無醃制，天然清新，雲耳又係爽脆，果然有水準。接著嘅小菜都無令我地失望，咕嚕蝦球酸甜味適中，蝦球又選料新鮮，彈牙十足; 而鐵板薑蔥桶蠔又係另一高水準之作，堂煎嘅桶蠔增添鑊氣，隻隻蠔都係肥美十足，感覺滿足，肉質又係新鮮全無雜質，值得推介。野菌和牛粒係我地叫嘅另一道小菜。醬汁非常之惹味，令本身平平無奇嘅野菌都增添味美，而本身肉味香濃嘅和牛粒亦更上一層樓，兩者匯合，質素非常之高!而呢道肥牛粒抄飯，雖然牛肉份量無和牛粒咁多，但係飯粒抄得金黃、顆顆分明，亦都可以更加飽肚，都值得一試。