醉滋味

營業中

休息中

每次係屯門新墟睇完戲，都要去go go mall 食野，因為選擇多，裡面好似夜市一樣。今日見到醉滋味好多人排隊，就試下呢間啦！好，睇吓有咩好食先。辛香花甲粉，呢個粉係用粉絲底，所以一倒麻辣湯落去，粉絲索晒個湯，正！配咗，彈弓豆卜，外硬內軟嘅豆卜，好有口感。慢煮醉雞卷，每件雞都好比心機去骨再卷成雞卷，咬落啖啖肉之餘，仲帶花雕酒香。椒鹽炸燒賣，炸得好酥脆，怕熱氣都忍唔到要食。台灣腸，都係用炸，皮脆得黎咬落去卜一聲。芝士薯波，裡面充滿粒粒薯蓉粒，食落有層次。跟餐仲有汽水。