Jagger

營業中

休息中

餐廳有室外及室內，開放感十足，氣氛勁chill。🥢避風塘風味炒蜆墨魚麵$148賣相超靚，有成朵玫瑰花放响中間，蜆肉份量都幾多，而且脹卜卜又juicy，面頭好多蒜片，夠哂惹味，配合質地剛好嘅墨魚麵，唔錯。🥢軟殼蟹牛油果沙律$118貝殼型嘅白色磁碟，配上粉藍色嘅食用花好靚，軟殼蟹炸得甘香酥脆，沙律菜新鮮，牛油果原來放咗响底下，份量都唔少。🥢Jagger特色火焰德國咸豬手$198將火焰橙酒倒落豬手上，使得豬手表面更加香脆，之後廚師會代勞幫我哋切開，並配上炸薯仔及酸菜，豬手表面勁香脆並帶微微嘅蜜糖香，而且唔會死鹹，好有嚼勁，配啤酒一流。🍺Arcobrau Schloss Dunkel $75HH $95Normal食德國豬手點可以唔飲啤酒呀😆，配黑啤仲更加一流，味道酸酸地亦帶果香，麥芽味突出，而且回味持久。🍺Samuel Adams Sam'76 $70HH $88Normal花香味超突出，口感順滑清爽，輕盈爽脆，勁喜歡。呢間酒吧餐廳所提供嘅美食絕對不容小觑，好味得嚟賣相都唔錯，坐得舒服又夠chill ，侍應服務態度仲好好添👍。