Foxglove

營業中

休息中

近排心情非常差，朋友話帶我去一間隱世點心店，等我輕鬆下，傾下心事吹下水，入到去門面真係不知道原來裡面係一間酒店兼食店，走廊放了好多不同款式的雨傘，在雨傘筒裡按一下個雨傘的把手就會打開了面前的門，感覺似去到OO7的秘密基地。真係好有驚喜，入到去格局像一間酒吧，但坐低之後，見餐牌原來係食點心飲茶，真係好特別，見前面又有live band舞台，環境不錯。【碧螺春-$25/位】見餐牌有不同的茶可選擇，見碧螺春唔係好多地方可以飲到，它是中國的綠茶，口感香濃及味醇，不錯。【原隻蝦餃皇】原隻非常飽滿，口感層次分明，大大粒的蝦餃，爽口彈牙。【水晶野菌包】晶瑩通透的皮，薄得來又帶點煙韌，餡料菌味突出。不錯。【麻辣小籠包】有四川麻辣風味，火紅色的薄皮，勁爆湯汁，陣陣麻辣香味傳出來，超正!!值得推介。【安格斯牛肉千絲酥】千絲酥真係不錯，鬆化得來又不油膩，餡料非常多，見到一絲絲的牛肉，估不到做得咁出色!!不錯。【朱古力流沙煎堆】流沙煎堆好多都食到，但係朱古力流沙真係第一次食，果然好邪惡，熱辣辣炸至金黃色的表面，咬落去帶點煙韌，內裡仲非常流心，朱古力味突出又不算太甜，不錯，值得推介。