金山海鮮酒家

營業中

休息中

大夥聚會，今次揀咗佐敦莊士敦廣場金山酒家，老老正正中式酒家，叫D家常小菜，至好係成班Friend聚埋一齊，輕輕鬆鬆吹吓水。首先嚟個金銀菜燉豬肺湯，都算足料，清清哋，幾鮮味。牛油焗白飯魚，班友人話有食炸薯條feel😜鷄蛋焗魚腸，老派餸，懷舊一吓。椒腐通菜炒牛肉、魚湯魚滑白菜仔、琵琶豆腐，一般家常小菜，普普通通。沙拉醬燒骨，炸粉太厚，唔推薦。👎砵酒焗筒蠔，我哋人多，仲叫咗雙份，乾爭爭，唔夠汁，唔好食，唔抵食。😖脆皮生炸大腸，外脆內軟，值得一試。👍招牌雲英鷄，難得一見有鷄腎附上，味道唔錯。臨尾仲送個蛋散。九餸一湯，每人唔使二百，今時今日，都算抵食。