Sky726

Weekend去旺角食個lunch順便行下街～ 嚟到朋友推介嘅法式西餐廳食個lunch，聽講有落地玻璃窗望住靚城景真係幾吸引，同埋菜式好豐富味道又好。我地一共叫咗兩份前菜、兩份主菜、一份甜品同兩杯飲品。-華多夫沙律🥗沙律比我想像中份量大好多，裏面配料有青葡萄、蕃茄乾、青蘋果粒、合桃配沙律菜，醬料亦都已經好均勻咁加入沙律入面唔使自己再攪拌。一個沙律配搭食落甜甜地配埋青蘋果嘅微酸幾開胃，合桃同青蘋果令到沙律口感更加豐富👍🏻-法式甲羅燒🦀第二款前菜就係想試好耐嘅甲羅燒～上層係金黃色嘅蟹膏，而裡面就有滿滿嘅蟹肉🦀超級足料，入口鮮味十足唔會腥，鍾意食蟹嘅朋友真係唔好錯過😍呢個價錢有咁嘅份量真係好抵食呀👍🏻-香煎慢煮黃油雞伴暖菠菜沙律🍗雞髀超級大隻好多肉，雞肉入口嫩滑入味，食落唔會太油膩好juicy。旁邊配有暖菠菜沙律，仲加咗少少松子粒同番茄乾，令口感更豐富。-香蒜鴨肉紅菜頭扁意粉🍝因為加咗紅菜頭製作，所以呢款意粉係粉紫色架💕裡面除咗有滿滿嘅鴨肉絲之外仲加咗菇，入口有多重口感，味道剛剛好唔會膩，鴨肉都好鮮甜。-紅桑子蛋白撻🍓最後到我最期待嘅甜品時間啦，甜品種類都幾多，我地最終都係揀咗紅桑子蛋白撻。