茜廊餐廳 (德福廣場1期)

營業中

休息中

其實以一般港式餐廳而言，呢度算幾唔錯，起碼樣樣o野都大大碟；但價錢略貴，一個晚餐一般要$80-$100。但比起同級數如名寶石餐廳，小妹寧願o黎呢度，起碼D野好食D。尋晚一行3人o黎開飯，明知D野大碟，所以只叫兩個set，不過卒之都係食唔晒。個set包o左? 包，湯，主菜，生果同飲品。包包有幾片薄toast，蒜蓉包同提子包，3個人夠食有餘，可惜蒜蓉包味道麻麻。湯除羅宋湯之外仲可以揀酥皮竹笙湯，熱辣辣咁味道都唔錯。主菜分別要o左焗粟米石班飯同香芒煙三文魚燒牛肉沙律；個焗飯都整得好香，但煙三文魚同燒牛肉只係一般。侍應見我地有3個人，仲送多客生果俾我地，都幾識做。最impressed係個飲品，我地叫o左凍熱檸茶各一杯；杯熱檸茶居然係一壺咁上，而且裏面用茶葉而非茶包，幾香濃，唔錯。埋單兩個set連加一剛剛$200，唔算平；不過3個人分每人都係$6x，都算合埋咁啦。