百份百餐廳 (黃埔天地家居庭)

營業中

休息中

百分百下午茶佢個白汁芝士焗雞扒飯，真係好白汁，好芝士，好雞扒。下午茶時段有嘢飲都係38蚊， 係一個好有誠意嘅焗飯。 因為佢嘅芝士係可以撩起一絲絲咁樣嘅，而雞扒係有兩塊，個飯仲有啲醃料令到佢黃色同埋好似係炒飯底，好好食!另外我第二日又去食下午茶 ，佢有個墨西哥辣肉醬意粉。 係menu到佢有個推介嘅 公仔係側邊， 於是我就忍唔住要試下。就咁睇個名真係以為平平無奇，但係食落就知道係一個驚喜，都係有啲芝士同埋肉醬喺側邊，都幾多肉醬， 非常好味， 辣又唔係話好辣， 但係味道就好夾。依家喺黃埔嘅百分百新開咗冇幾耐，係我近期發現 一間非常有質素嘅餐廳，價錢實惠， 而且服務態度都非常好 ，侍應們係好有禮貌。 雖然我都知道 新開嘅舖頭開頭就好好，過咗幾年就另一個樣。但係能夠有幸嘗試到呢間餐廳， 我已經好開心。 因為係一間好有良心嘅食店，你唔覺得係幫緊人交租，亦都冇氣要你受嘅。