BEP Vietnamese Kitchen 越灶 (已結業)

之前來過K11 Musea , 呀媽對啲度好有興趣，加上咁啱有位外賣姐姐勁讚呢度啲嘢好食，所以呀媽講左幾次話要過來食，為左還呀媽心願，趁今日又去開尖沙咀，所以就帶左佢來食🤣🤣🤣差唔多8pm 來到，full house 要等位，等左差唔多30mins先入得，一坐低呀爸同家姐不停話啲嘢食好貴，我其實就覺得買好，係比一般貴50% 左右，不過呀媽想試，咪試下囉。😅👍🏻睇下餐牌，選擇都唔係太多，都係撈，濕，飯，小食咁，不過都有啲幾特別，我地叫左個蕃茄蟹檬($90)，啲蟹肉唔少，而且蕃茄都重手，不過成碗檬粉太重蟹味，基本上係食唔到蕃茄味，我感覺有啲奇怪，好大舊蕃茄但無蕃茄味，得蟹味，係咪我食緊分子料理？不過我家姐話佢咁樣先證明佢好足料。。😅😅😅好啦，除咗蟹肉同蕃茄，佢仲有啲扎肉係度，都幾多料，可惜個檬粉質地唔太好食。😅😅😅椰青蒸蜆無乜味，不過好辣，2粒之後放棄左，最後佢都係食唔晒😭😭😭😭 炸軟殼蟹個蟹炸得好硬，個味都係唔得，感覺小食類可以不叫😅😅😅😅還左呀媽心願，再來未必會去食，尖沙咀都有好多好嘅選擇😅😅