影片
更多
2023-08-02
896 瀏覽
暑假剛開始，小朋友都開始放暑假，而父母自然都變成輕鬆放假mode，所以每年我地一班朋友7,8月都會聚多幾次，齊齊relax 放輕鬆，而因為人數不少，又有小朋友，所以我地多數都會係朋友屋企開Party，輕鬆之餘亦可以玩得盡興，多數都會叫到會或者打邊爐，天氣咁熱就決定到會，簡單方便。今年比我發掘到呢間到會谷，見到食物種類選擇多之餘，價錢亦大眾化，所以決定試吓~ 可以係70多款式食物當中任選，按選擇的套餐而價錢不同，我地人不是太多，而且仲有小朋友，所以我地揀咗個6-8人餐(HK$896)試吓。食物送到黎好企理，用紙箱再加保溫袋，而且入邊仲貼了暖包保暖，所以送到黎仲係熱的，考慮頗周詳，我地揀咗： 🥢216惹味燒深海大魷魚(1條)伴薯角 魷魚燒得惹味，唔韌，應該要再追加個魷魚😍，而個薯角炸得酥脆，小朋友爭住食👍🏻🥢236黃金炸蟹鉗拼黄金炸帶子配他他醬(各8件) 估唔到連炸蟹鉗同帶子都有得揀，正，蟹鉗同帶子都好唔錯，帶子配埋他他醬好惹味😋🥢222黑松露芝士焗澳洲大啡菇(6隻切12件) 好多肉類及煎炸嘢，所以特別選一個蔬菜類的菜，黑松露加芝士是無敵組合，加埋一齊超香，大啡菇啖啖肉又juicy 🥢26
暑假剛開始，小朋友都開始放暑假，而父母自然都變成輕鬆放假mode，所以每年我地一班朋友7,8月都會聚多幾次，齊齊relax 放輕鬆，而因為人數不少，又有小朋友，所以我地多數都會係朋友屋企開Party，輕鬆之餘亦可以玩得盡興，多數都會叫到會或者打邊爐，天氣咁熱就決定到會，簡單方便。今年比我發掘到呢間到會谷，見到食物種類選擇多之餘，價錢亦大眾化，所以決定試吓~
可以係70多款式食物當中任選，按選擇的套餐而價錢不同，我地人不是太多，而且仲有小朋友，所以我地揀咗個6-8人餐(HK$896)試吓。食物送到黎好企理，用紙箱再加保溫袋，而且入邊仲貼了暖包保暖，所以送到黎仲係熱的，考慮頗周詳，我地揀咗：
🥢216惹味燒深海大魷魚(1條)伴薯角
魷魚燒得惹味，唔韌，應該要再追加個魷魚😍，而個薯角炸得酥脆，小朋友爭住食👍🏻
🥢236黃金炸蟹鉗拼黄金炸帶子配他他醬(各8件)
估唔到連炸蟹鉗同帶子都有得揀，正，蟹鉗同帶子都好唔錯，帶子配埋他他醬好惹味😋
🥢222黑松露芝士焗澳洲大啡菇(6隻切12件)
好多肉類及煎炸嘢，所以特別選一個蔬菜類的菜，黑松露加芝士是無敵組合，加埋一齊超香，大啡菇啖啖肉又juicy
🥢263泰式桔仔香茅炭燒豬頸肉沙律配秘制泰汁(1份)
呢個豬頸肉份量多，有2層的豬頸肉，豬頸肉烤得香，有淡淡的香茅味，油脂充份但唔會太油膩，配上泰汁更惹味
🥢223打冷滷水拼盤配酸辣醋(約2磅)
呢個平時到會比較少見，滷水拼盤入邊有蛋、紅腸、豬耳、大腸、鵝翼等，滷水味好入味，但又唔會好鹹，大人小朋友都啱食
🥢254馬來黃咖喱雞(約2磅)另上香烤薄餅(12小片)
咖喱一大盤，雞件的份量都不少，但不是太辣，小朋友都啱食，最鍾意佢可以配烤薄餅，一齊食好滋味，建議在家中可以再煮些白飯，因為個咖喱汁都好好味，淨薄餅唔夠喉，白飯可以撈埋D汁一齊食😋
🥢207三杯鴨螞蟻上樹蕃薯粉(約2磅裝)
呢個平時到會未食過，所以特別揀這個，呢個反而有少少辣，鴨無羶味，而最好食自然是薯粉，吸晒精華👍🏻
🥢238天使&魔鬼一口西多士(25粒)
甜品一定不能缺少，我地選了天使＆魔鬼西多士，正正方方細細粒，一啖一口方便食，天使西多即加了椰絲，而魔鬼即加了朱古力及棉花糖，西多士唔油，亦不會太甜，大人小朋友都好鍾意食😋
張貼
