桂花小幸 (元朗廣場)

營業中

休息中

有次行過元朗廣場，見到呢間台灣野好似幾好食咁，價錢又唔係貴，今次有機會就試下佢先😚。食物選擇都幾多，除左常見既牛肉麵同鹽酥雞，仲會有麻辣系列、番茄系列同酸菜魚選擇😋。今次就試左佢地既鹽酥雞扒麵同涼拌貓耳朵👍🏻。涼拌貓耳朵跟餐另加$10就可以加到一款小食，今次就揀左涼拌貓耳朵。貓耳朵即係雲耳，雲耳味道唔算太酸，反而仲有啲辣味😧。除左用黑醋，仲有啲辣椒油一齊涼拌，食入口好惹味開胃😋。而且雲耳口感好好，非常之爽口🥰👍🏻，好岩做餐前小食。鹽酥雞扒麵個人黎講雞扒份量適中，望落去炸皮都好薄身😍。食入口更加係外脆內軟，雞扒好滑，完全冇趙柴皮同乾爭爭既感覺👍🏻。而麵既份量都唔少，食極都仲有🤣，到最後都係戰敗左個麵，淨係食曬啲雞扒😋。