龍城冰室

營業中

休息中

同朋友兩個嚟到銅鑼灣行街，行到差唔多朋友話肚餓，我哋揀咗謝斐道呢間餐廳，因為經過過好多次都未有機會試，今次決定一試。餐廳環境佈置有用過心機，有啲傳統老香港嘅味道，但係又不失現代感。餐廳面積寬躺，坐落到幾舒服，好好彩兩個人派咗張大枱。覺得最正就係餐廳果晚市鑊氣小菜套餐，選擇嘅款式非常多，有39款小菜。每個餐除咗小菜之外，仲有湯、飯同埋飲品，一個人80幾蚊，如果叫兩個餐二人餐仲平啲。我哋揀咗一個小菜套餐，蜜椒薯仔牛柳粒，覺得值得推介。小菜溫度能夠保持得到，牛柳嘅肉質鮮嫩，保留到肉汁而且唔會好煙韌，賣相仲幾靚添五顏六色咁。朋友就點左吉列豬扒飯，係餐廳王牌來。豬扒嘅份量非常大，講真一個人細食啲都未必食得晒。湯方面就有中湯同羅宋湯，我哋點左中湯。除咗餐牌之外，仲有當日款式，不過由於未有圖片關係，我哋都冇選擇，尤其係餐牌嘅選擇已經夠晒多。