捌哥‧馬拉籽 (已結業)

約咗鄰居出去大圍食飯，之前都食過呢一間。但係得兩個人食實在唔可以嗌太多嘢。今次有三個人，戰鬥力加強咗好多。目測佢個隔音都好似比之前細分咗。但係其他嘢食都依然好好味。肉骨茶雖然唔係我鍾意嗰隻風味，但係淡淡嘅藥材味都唔錯。豬手都唔算好肥，不過我就鍾意用豬仔俾你整肉骨茶多啲。個魷魚通菜，個醬超靈魂好好食，同埋個魚仔醬蘿蔔糕鹹香味十足亦都唔錯。個喇沙摻摻加埋埋啲辣椒粒朔埋啲湯汁，簡直係無法抵擋嘅吸引力。個牛肉配薄餅真係唔夠喉，如果唔係點咗咁多嘢食，加多碗白飯嘅話撈埋啲汁就不得了。個串燒唔會太乾，最正係佢啲醬好似瀑布咁淋晒喺啲串燒上邊，感覺相當滿足。加埋杯嘢飲酸酸甜甜更加開胃。就本次用餐全數自費。