影片
更多
5天前
0 瀏覽
［📍銅鑼灣｜清原］喺銅鑼灣食完飯，諗住喺附近搵間甜品食吓，經過希慎附近，見到呢間食香芋甜品既好似好吸引，就入去試下。今次嗌咗雙芋冰嫩仙草凍，呢碗仙草凍有好多唔同嘅材料，紅豆、芋圓、芋泥乜都齊。特別要讚吓佢哋嘅芋圓同芋泥。芋圓質地夠晒煙靭，咬多兩咬食得出有芋頭嘅香味；佢哋嘅芋泥亦非常真材實料，除咗甜度啱啱好之外，仲特登保留咗芋頭粒係入邊，增加口感。另外仲嗌咗杯楊枝甘露，非常消暑。本身諗住楊枝甘露做飲品會有啲膩，但呢杯完全唔會，入面有好多西柚粒同芒果粒，飲落好清新。見到新品麻薯串串，好奇嗌左串椰子麻薯串串黎試吓，製作好認真。呢串椰子麻糬串串面頭鋪滿椰絲，配埋椰子脆片，旁邊仲有啲椰子味既cream，食落非常之香嘅椰子味，麻糬質地好夠煙靭，好有驚喜。🧊雙芋冰嫩仙草凍 $53🥭楊枝甘露 $48🥥椰子麻薯串串 $27
喺銅鑼灣食完飯，諗住喺附近搵間甜品食吓，經過希慎附近，見到呢間食香芋甜品既好似好吸引，就入去試下。
今次嗌咗雙芋冰嫩仙草凍，呢碗仙草凍有好多唔同嘅材料，紅豆、芋圓、芋泥乜都齊。特別要讚吓佢哋嘅芋圓同芋泥。芋圓質地夠晒煙靭，咬多兩咬食得出有芋頭嘅香味；佢哋嘅芋泥亦非常真材實料，除咗甜度啱啱好之外，仲特登保留咗芋頭粒係入邊，增加口感。
另外仲嗌咗杯楊枝甘露，非常消暑。本身諗住楊枝甘露做飲品會有啲膩，但呢杯完全唔會，入面有好多西柚粒同芒果粒，飲落好清新。
見到新品麻薯串串，好奇嗌左串椰子麻薯串串黎試吓，製作好認真。呢串椰子麻糬串串面頭鋪滿椰絲，配埋椰子脆片，旁邊仲有啲椰子味既cream，食落非常之香嘅椰子味，麻糬質地好夠煙靭，好有驚喜。
🧊雙芋冰嫩仙草凍 $53
🥭楊枝甘露 $48
🥥椰子麻薯串串 $27
張貼
