南記粉麵 (謝斐道)

營業中

休息中

好耐無過灣仔，以前係度讀書，成日係呢邊揾食，而南記曾經係我讀書時期最多幫襯既舖頭。今日過到尼做野，順便食返個遲來的午餐。下午三點多，可能下午茶時間，都幾多人等位，不過多數係外賣，所以都係等左一陣就有位。招牌湯河  - 魚蓉春卷兩條，魚片兩塊，牛丸兩粒加埋罐可樂，先係$25，係灣仔呢區真係好難揾到間平過佢。可惜，份量太少，河粉兩啖就無哂，魚蓉春卷好似溝左好多粉咁，同以前唔同哂味，完全唔彈牙，牛丸最差，完全無味既湯底一如以往都係味精水，完全同以前無得比。不過價錢平，都無咩要求。