鼓堡音樂餐廳

營業中

休息中

不同的餐廳各有格調，我覺得livehouse 屬於啤酒與live band music 體驗的餐廳。即現場環境令你心底有點熱血，聽電音的騷動，再呷一口啤酒。嗯，聽落都覺得自己不羈。因為餐廳有 live band show，現場音樂與播碟，氣氛差好遠。livehouse 啤酒選擇幾多元化。你睇下！！！！！手工啤呀！！！仲有中間黑啤。我一直覺得手工啤係精品，味道濃郁好多，普通啤酒真係及唔上。下酒菜有雞翼拼盤，鍾意外皮炸得酥脆，或者酸酸辣辣的都滿足到，閣下自便吧！夏威夷pizza ，薄身，餅底脆，上枱熱，芝士夠，做到我想睇嘅拉上嚟芝士絲連的效果。我諗起余佩芝個故 orz......芝士薯條。薯條香脆+芝士足料，再點乳酪，咁香口，返唔到轉頭咖喎，會一條一條咁食落去，然後再飲下啤酒過。實在太邪惡。蘋果乳酪。我覺得平時啲樓上cafe 昆咗我咁多年囉，人哋呢杯真係有一粒粒新鮮蘋果粒，真係有奶製品嗰種稠嘅質地。我見人哋食咸豬手，個樣好吸引，今次無叫，好期待下一次呀！