影片
更多
2021-11-30
1503 瀏覽
鐘意飲茶嘅朋友，對茶嘅質素一定有一份執著，好似我咁，所以我非常之推介TeaWG嘅afternoon tea。Tea WG係新加坡嘅高級茶品牌，有超過800款茶葉選擇。而位於又一城嘅呢間店鋪，係香港最大嘅一間，堂食位置好靚好寬敞。當日4點左右來到，好好彩walk-in入到去，之後就有人排隊，如果一早計劃去嘅就最好book定位啦。下午茶menu都有4個選項，我地就選左JEWEL tea set。除左set定嘅鹹甜點外，每人可以選一款茶同一個馬卡龍。馬卡龍有10款口味，我好喜歡呢度嘅馬卡龍有唔同嘅茶味，而且唔太甜。 自己最鐘意就係 Earl Grey同Lemon Bush Tea（檸檬木紅茶）味。茶嘅種類超多，個tea menu真係令我目不暇給。如果想了解每種茶嘅特色，仲可以睇下呢本厚厚嘅Tea Book,好屈機。JEWEL Tea Set（$488 for 2）有3個甜品、4個鹹點同一個英式鬆餅，雖然比一般酒店少一個鬆餅，但我覺得份量啱啱好，唔會太滯，而且呢個價錢真係cp值好高，因為佢d茶都唔平。英式鬆餅鬆餅係暖暖地的，牛油味重。淡忌廉比較軟滑，jam就係清新嘅檸檬木茶味，甜度低，唔會掩蓋
Tea WG係新加坡嘅高級茶品牌，有超過800款茶葉選擇。而位於又一城嘅呢間店鋪，係香港最大嘅一間，堂食位置好靚好寬敞。當日4點左右來到，好好彩walk-in入到去，之後就有人排隊，如果一早計劃去嘅就最好book定位啦。
下午茶menu都有4個選項，我地就選左JEWEL tea set。除左set定嘅鹹甜點外，每人可以選一款茶同一個馬卡龍。
馬卡龍有10款口味，我好喜歡呢度嘅馬卡龍有唔同嘅茶味，而且唔太甜。 自己最鐘意就係 Earl Grey同Lemon Bush Tea（檸檬木紅茶）味。
茶嘅種類超多，個tea menu真係令我目不暇給。如果想了解每種茶嘅特色，仲可以睇下呢本厚厚嘅Tea Book,好屈機。
JEWEL Tea Set（$488 for 2）
有3個甜品、4個鹹點同一個英式鬆餅，雖然比一般酒店少一個鬆餅，但我覺得份量啱啱好，唔會太滯，而且呢個價錢真係cp值好高，因為佢d茶都唔平。
英式鬆餅
鬆餅係暖暖地的，牛油味重。淡忌廉比較軟滑，jam就係清新嘅檸檬木茶味，甜度低，唔會掩蓋鬆餅嘅味道。
Orange blossom tea
呢款烏龍茶有淡淡嘅橙花香味，係呢間店好受歡迎嘅早餐茶之一。另外，個人最鐘意嘅另一款茶係Milk Oolong （已經買左番屋企）, 呢種茶葉經過輕微發酵，香氣非常濃郁，帶牛奶同烘烤嘅味道，亦都好適合搭配甜品。
鹹點
鹹點方面，我最鐘意牛肉小漢堡，牛肉細細塊但好厚有肉汁，包嘅表面又有黑白芝麻好香口。
甜點
馬卡龍係自選的，roll cake入面係焙茶cream,香氣好獨特。另外綠色嘅係綠茶紅豆拿破崙，都係冇得輸嘅味道。
張貼
