大戶屋 (已結業)

香港近年多咗親子餐廳，但同台灣、韓國或者外國相比，其實數量都係好少，而且大部份食物質素都只是一般。大戶屋雖然唔係一間有玩樂設施嘅餐廳，但high chair數量充足，而且有兒童餐同埋兒童餐俱提供，都不失為一間理想嘅帶小朋友開餐嘅餐廳。打開餐牌，圖文並茂，一心諗住阿囡會揀兒童餐，點知睇完一輪佢話要食蕎麥麵。於是我哋叫咗個又有麵又有飯嘅餐share食,老公就揀咗個豬扒定食。等左大約10分鐘食物就嚟啦。蕎麥麵同個炸雞扒飯兩樣都大大份！蕎麥麵個湯清清地，有少少海帶、芝麻、木魚提升鮮味，啱晒小朋友食。炸雞扒香脆好味，雞肉頗為嫰滑，小朋友食唔點醬汁都幾好味。老公個豬扒定食又係好大份，個豬扒鍋上枱熱辣辣，炸完嘅豬扒浸左落味噌醬嗰度，雖然無咁香脆，但吸收晒醬汁嘅味道，送飯一流。熟成豬肉肉質柔軟，肉味突出但唔會有豬肉嘅腥臭味，阿囡同老公都食到舔舔脷餐廳雖然限時個半鐘交枱，但食物上得快，唔會覺得好趕，下次帶小朋友出街食飯可以再次encore