增煇大排檔 & 增煇藝廚

營業中

休息中

其實都經常同屋企人黎深水埗食野，多野揀又唔太貴，而且仲有好多糖水舖。但今次呢間就第一次試! 本身食開隔離o個間，但有次o係附近食糖水，職員都話呢間好食d，所以今次就專登黎試下。豉油雞 - 呢度O既招牌棻，都值得試下，幾入味，而且D肉好滑。鬼馬炸油條 - 好特別，中間釀O左D墨魚滑，味道唔錯但唔太抵食。胡椒豬肚花甲湯 - 好大盤，我地5個人每人飲兩碗都有剩! 都算辣，建議多人先叫呢個~芥蘭煲 - 推介!唔食芥蘭O既我竟然都係咁食，有D肉碎加落去好野味，又香，餸飯食一流!蝴蝶腩 - 人地介紹就試下，冇咩特別，但都算炆得淋。椒鹽大虎蝦 - 好巨型，而且有膏。但都幾貴，兩隻要$5XX~D野都算幾大碟，適合一大班人一齊食。不過最好訂枱，因為都幾爆下。