金鷺湖

營業中

休息中

適逢放假跟朋友來到大埔小白鷺郊遊，但好景不常，天空下著又密又綿綿的細雨。無奈之下，只能夠進室內尋找餐廳吃午飯。卻想不到這裏開了一間裝修華麗而有氣派嘅茶樓。內在環境寬敞，而且對著小白鷺湖邊，景色優美，令人有心曠神怡嘅感覺。餐廳圓形嘅設計，亦有迴旋走廊可以打卡，啱曬擁有少女心嘅女士。假日嘅遊人唔算太多，可以懶洋洋品嚐美食嘆下茶。餐廳餐具擺設不失華麗嘅感覺，餐具亦見乾淨企理，一絲不苟，係景點中較為少見。食乜嘢毫不遜色。呢度鮮茄魚湯鮮竹卷，清清的魚湯沒有絲毫腥臭感，跟鮮竹卷的味道好配。鮮竹卷肉汁豐富，卻絕不油膩。鵪鶉蛋燒賣亦是必點之選。鵪鶉蛋樣在燒賣內，實在罕見亦考功夫。燒賣豬肉結實嘅口感，加上彈牙嘅鵪鶉蛋。口感層次非常豐富，的確不俗。只有喜慶才吃到嘅壽桃包，內裏是流沙奶皇餡。奶黃煮到剛剛好，不會太實太乾。甜度適中，賣相亦非常漂亮。鹹水角啤梨仔，亦是這裡招牌嘅菜式。鹹水角外皮口感煙韌，甜而不膩。內涵肉醬充滿鹹香，配搭一流。瑤柱金菇乾燒伊麵，炒得好冧。而且非常足料，大大碟夠曬填飽肚子，再續行程。最後當然要介紹這裏查街包括的瑤柱xo醬。入口非常惹味，但辣道輕微，用來配搭燒賣跟麵食非常完美。