聯發茶餐廳

營業中

休息中

我一向對食雞蛋都有執着，尤其是食炒蛋！比得發現到九龍城入邊有間聯發茶餐廳，佢哋炒蛋除咗嫩滑，食落口非常之有層次感，除咗就咁食之外，配埋多士都係一流嘅選擇！除咗炒滑蛋之外，我仲喜歡食佢哋嘅西多士，佢哋嘅西多士亦都保留住以前舊式茶餐廳嘅製作方法，一個勁厚嘅西多士，再配埋雪糕，連埋糖漿一齊食，真係好可口☺️☺️我就今日咁啱經過就食咗個下午茶，眼闊肚窄嘅關係我冇辦法試到佢嘅炭燒叉燒飯，今時今日嘅香港已經好少地方係用炭爐去製作叉燒，大家經過嘅都可以再試吓㗎！