BAKE Cheese Tart (已搬遷) 新店位置

芝士撻($20)自從係日本食過呢個勁好味的芝士撻之後, 竟然開到過黎香港.因為剛開業時人龍不斷, 而很快就賣完, 所以拖到4月先有機會去試下香港的跟日本有什麼分別.當日出奇地少人, 只係排左20分鐘左右就賣到.職員會先俾一張籌先可以憑卡買撻.因為岩岩食完午餐,所以只買了一個過口引.芝士撻拎上手明顯比日本食到的細, 焗到金黃色, 入面芝士餡是半熟流心狀態, 芝士味濃又香, 不過好似冇日本食到既咁回味. 撻皮係曲奇皮, 好脆口. 份量如果再大少少就更好.