影片
更多
2022-02-26
614 瀏覽
係呀，又係吉列牛呀😆呢間新開既時候食過一次，然後朋友見到我食吉列牛又話想食，我就帶佢嚟呢間🤣🤣今次餐牌好似多咗啲小食，同埋之前好似係得忌廉烏冬，而今次有忌廉辣雞麵😋兩個精打細算嘅人選擇左套餐，一吉列牛定食，一辣雞麵加2杯嘢飲=$256，其實除咗呢個套餐仲有其他套餐，而我覺得呢個套餐好啱我想叫嘅嘢食。☺️☺️雖然佢嘅賣相相對於我之前食嗰間嘅賣相冇咁吸引，但係我想個味道都唔輸蝕，反而呢間佢本身牛有醃過，主要食嘅時候唔使點汁就咁食都好好味，反而點左汁會蓋過左佢本身嘅味道。唔建議燒太耐，燒太耐就會冇咗牛嘅感覺，但燒太耐個味道就有啲似炸雞嘅味🤣🤣絕對可以話一雞兩味🤣🤣 平時食得少飯又唔鍾意食飯嘅朋友，因為吉列牛食咗勁多飯😂由於呢個餐係定食，佢除咗配左貓飯之外，仲有胡麻醬豆腐同埋車厘茄，麵豉湯。香辣忌廉雞肉炒麵，開頭因為試過烏冬所以想試呢個之前好似冇嘅麵。但其實冇詳細睇係乜嘢麵，開頭食牛嘅時候仲諗緊點解係辣辣地，先醒起原來個面係辣嘅，我夾咗個面嚟影相所以個牛都變咗辣🤭如果你問我忌廉同埋個麵夾唔夾、我會話一定要撈埋一齊食，因為食落去嘅時候先發現佢係正宗韓國一包黑色嘅辣雞麵配左雞肉，所以如果就咁食係會辣到
呢間新開既時候食過一次，然後朋友見到我食吉列牛又話想食，我就帶佢嚟呢間🤣🤣
今次餐牌好似多咗啲小食，同埋之前好似係得忌廉烏冬，而今次有忌廉辣雞麵😋
兩個精打細算嘅人選擇左套餐，一吉列牛定食，一辣雞麵加2杯嘢飲=$256，其實除咗呢個套餐仲有其他套餐，而我覺得呢個套餐好啱我想叫嘅嘢食。☺️☺️
雖然佢嘅賣相相對於我之前食嗰間嘅賣相冇咁吸引，但係我想個味道都唔輸蝕，反而呢間佢本身牛有醃過，主要食嘅時候唔使點汁就咁食都好好味，反而點左汁會蓋過左佢本身嘅味道。唔建議燒太耐，燒太耐就會冇咗牛嘅感覺，但燒太耐個味道就有啲似炸雞嘅味🤣🤣絕對可以話一雞兩味🤣🤣
平時食得少飯又唔鍾意食飯嘅朋友，因為吉列牛食咗勁多飯😂
由於呢個餐係定食，佢除咗配左貓飯之外，仲有胡麻醬豆腐同埋車厘茄，麵豉湯。
香辣忌廉雞肉炒麵，開頭因為試過烏冬所以想試呢個之前好似冇嘅麵。但其實冇詳細睇係乜嘢麵，開頭食牛嘅時候仲諗緊點解係辣辣地，先醒起原來個面係辣嘅，我夾咗個面嚟影相所以個牛都變咗辣🤭
如果你問我忌廉同埋個麵夾唔夾、我會話一定要撈埋一齊食，因為食落去嘅時候先發現佢係正宗韓國一包黑色嘅辣雞麵配左雞肉，所以如果就咁食係會辣到飛起，但撈埋忌廉一齊嘅時候變相冇咁辣，愈食愈想食。辣得好過癮
由於兩條友仔口味太相似，而且兩個餐又點會滿足到我哋。就叫咗兩個小食😙😙
芝士薯仔年糕$45
我覺得值得稱讚，因為平時食放題嘅芝士年糕佢本身係成舊芝士所以多數會好膩，但係因為佢加入左薯仔，所以變相唔會咁膩，同埋都幾香薯仔味，仲要紫菜係脆嘅，出色
鹹蛋薯條🍟 $45
超級耐冇食過鹹蛋薯條，鹹蛋黃控見到表示好興奮😆
嚟到嘅時候香噴噴，仲有好多鹹蛋粒，保證足料，仲食得出薯條係真係即叫即炸，好香脆
由於本身去嘢飲係配汽水，我哋兩個都唔飲汽水嘅關係就試咗佢嘅養生茶。韓國蜂蜜紅棗茶同埋蜂蜜菊花茶，每樣都係加$8，咁我又覺得佢唔貴。
蜂蜜紅棗茶本身我驚佢好大陣紅棗味我飲唔到，反而佢又唔會真係超級出嘅紅棗味，但係你好明顯見到好多紅棗碎，淡淡既紅棗味配搭香濃嘅蜂蜜，啱晒啲唔鍾意飲紅棗嘅人。（即係我🤭）
蜂蜜菊花茶，佢有啲似平時飲嘅紙包菊花茶，但係唔同嘅地方係你會飲得出真係新鮮嘅菊花，而且佢裏面真係有好多菊花，所以飲落去菊花味超濃，蜂蜜又潤喉之餘佢又唔會真係超多。
整體來講呢兩杯嘢飲都好潤喉，啱晒食完啲辣野熱氣野，真係好養生啊覺得自己😆
張貼
