影片
更多
2021-06-13
32 瀏覽
今次去咗逸東酒店下面嘅food court食越南粉個food court環境都幾好，坐得好舒服我哋嗌咗：「美國安格斯生牛肉粉」同「越式扎肉撈金邊粉」另外加咗：牛油果奶昔、手打蝦餅、and升級套餐（有素菜米紙卷、沙律、凍奶茶）美國安格斯生牛肉粉：個河粉好入味，同埋唔會黐埋一pat牛嘅味道啱啱好，有牛味，亦都唔會靭，很好很好有附上生芽菜，仲有啲辣椒、紫蘇葉、and薄荷葉唔鍾意嘅記得唔好落haha越式扎肉撈金邊粉：撈金邊粉個醬汁好特別，唔係幾識形容有啲似印尼撈入面嗰個黑色醬，同埋會有少少少少辣味（ 問咗店員佢哋話主要係海鮮醬同豉油整）扎肉有啲脆脆哋嘅軟骨係入面，口感幾爽脆平時唔係幾食扎肉嘅我都覺得不錯，值得一試手打蝦餅：蝦餅幾厚而炸粉好薄，咬落亦都非常彈牙咬落去仲有一粒粒蝦肉添！jeng！不過味道比平時嘅蝦餅鹹啲啲，少少搶咗啲蝦味素菜米紙卷：米紙卷個皮好煙韌，不過好草青，非常素菜 凍奶茶：就係一個普通嘅凍奶茶，個茶底好出，好飲 牛油果奶昔：奶滑，奶味好出，不過得好淡淡嘅牛油果味總結：雖然價錢唔會好似出面啲越南粉咁平，不過質素比起出面嘅的確係高啲，以及勝在環境舒服，係鬧市難得嘅寧靜
個food court環境都幾好，坐得好舒服
我哋嗌咗：「美國安格斯生牛肉粉」同「越式扎肉撈金邊粉」
另外加咗：牛油果奶昔、手打蝦餅、and升級套餐（有素菜米紙卷、沙律、凍奶茶）
美國安格斯生牛肉粉：
個河粉好入味，同埋唔會黐埋一pat
牛嘅味道啱啱好，有牛味，亦都唔會靭，很好很好
有附上生芽菜，仲有啲辣椒、紫蘇葉、and薄荷葉
唔鍾意嘅記得唔好落haha
越式扎肉撈金邊粉：
撈金邊粉個醬汁好特別，唔係幾識形容
有啲似印尼撈入面嗰個黑色醬，同埋會有少少少少辣味
（ 問咗店員佢哋話主要係海鮮醬同豉油整）
扎肉有啲脆脆哋嘅軟骨係入面，口感幾爽脆
平時唔係幾食扎肉嘅我都覺得不錯，值得一試
手打蝦餅：
蝦餅幾厚而炸粉好薄，咬落亦都非常彈牙
咬落去仲有一粒粒蝦肉添！jeng！
不過味道比平時嘅蝦餅鹹啲啲，少少搶咗啲蝦味
素菜米紙卷：
米紙卷個皮好煙韌，不過好草青，非常素菜
凍奶茶：
就係一個普通嘅凍奶茶，個茶底好出，好飲
牛油果奶昔：
奶滑，奶味好出，不過得好淡淡嘅牛油果味
總結：雖然價錢唔會好似出面啲越南粉咁平，不過質素比起出面嘅的確係高啲，以及勝在環境舒服，係鬧市難得嘅寧靜
張貼
