Flames (海灣街)

營業中

休息中

來到假日當然要chill一chill，今日就來到Flames，露天座位係呢個未算好熱既季節仲岩岩好！🔸蒜香蝦球蝦既份量超級多，一人食左有8隻以上，味重蝦肉雖然係雪藏貨，但無雪味。🔸魔鬼辣雞翼呢個雞翼真係不得了，好耐未試過出街食既雞翼係咁大隻同漲卜卜，而且一份$68有6隻，加上每隻都好大隻，所以份量屬於大份。雞翼本身無調味，但炸得好香口，辣醬唔算好辣，同菜名魔鬼辣有好大一段距離，辣度屬於大部份人都接受到的辣度。🔸雞肉卡邦尼意粉意外無煮得過火，保留咬口！醬汁好creamy，而且有大大塊雞肉，平時食雖然好食，但就好似無咩餸咁，呢個完全無呢個問題！我同朋友好快就迅速清完成碟。🔸吉列魚柳漢堡配薯條吉列魚柳大塊而且厚身，外層麵粉唔厚，魚肉嫩滑。生菜切絲入口容易，醬汁份量適宜，薯條係厚切夠晒有咬口，上碟時好夠熱。整體食物份量大，價錢合理唔貴，上菜時都好夠熱。