影片
更多
2022-06-19
851 瀏覽
📌 鳴門割烹料理📍 九龍灣宏照道33號國際交易中心2樓2號舖☎️ 27967788★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`同朋友講開168斷食法，後尾又話咩1410，186斷食法。呢日我去盡啲，做咗個222斷食法，搵咗間高質日式放題呢日淨係食佢。餐廳位於Megabox 斜對面。星期六日及公眾假期午市（12:00-14:00）做緊90 分鐘半自助放題。刺身、壽司、沙律、炸物、串燒、煮物及飲品任點任食，主食八選一，每人仲送一隻磯煮鮑魚添。好彩book 咗枱咋，去到已經有四枱人排隊等緊入座。餐廳環境非常濶落，落地玻璃加強採光度，樓底有成兩層樓咁高，好開揚空間感十足。入座先上磯煮鮑魚，味道好甜好彈牙。🥢主食揀咗三色丼（拖羅蓉、三文魚籽、火炙鰈魚邊）同牛肉野菜鍋。鰈魚即係右口魚，魚邊好重油香口感軟滑👍🏻拖羅蓉無筋幼滑，油脂豐富，三文魚籽新鮮口感有彈性，唔會好咸。牛肉野菜鍋上枱熱騰騰！以牛肉同野菜為主要材料，加上滑溜嘅豆腐、生雞蛋等，湯底清甜唔油，野菜分量多，牛肉肉質嫩滑唔靱，味道超讚！🥢刺身有三文魚、油甘魚、鯛魚、八爪魚、帆立貝。淨
📍 九龍灣宏照道33號國際交易中心2樓2號舖
☎️ 27967788
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
同朋友講開168斷食法，後尾又話咩1410，186斷食法。呢日我去盡啲，做咗個222斷食法，搵咗間高質日式放題呢日淨係食佢。
餐廳位於Megabox 斜對面。星期六日及公眾假期午市（12:00-14:00）做緊90 分鐘半自助放題。刺身、壽司、沙律、炸物、串燒、煮物及飲品任點任食，主食八選一，每人仲送一隻磯煮鮑魚添。
好彩book 咗枱咋，去到已經有四枱人排隊等緊入座。餐廳環境非常濶落，落地玻璃加強採光度，樓底有成兩層樓咁高，好開揚空間感十足。
入座先上磯煮鮑魚，味道好甜好彈牙。
🥢主食揀咗三色丼（拖羅蓉、三文魚籽、火炙鰈魚邊）同牛肉野菜鍋。
鰈魚即係右口魚，魚邊好重油香口感軟滑👍🏻拖羅蓉無筋幼滑，油脂豐富，三文魚籽新鮮口感有彈性，唔會好咸。
牛肉野菜鍋上枱熱騰騰！以牛肉同野菜為主要材料，加上滑溜嘅豆腐、生雞蛋等，湯底清甜唔油，野菜分量多，牛肉肉質嫩滑唔靱，味道超讚！
🥢刺身有三文魚、油甘魚、鯛魚、八爪魚、帆立貝。
淨睇擺盤已經嘩一聲好📸-able。魚類全部俾腩位，仲要厚切唔慳皮，鯛魚肉質堅實有彈性，油甘魚好甘甜有魚油香，三文魚非常肥美，八爪魚咬落彈牙清脆有嚼勁，帆立貝鮮爽帶甜。件件新鮮無雪味。
🥢多款壽司小食都水準之上，特別推介必食之選一定係蒸蛋、芝麻雞翼、芝士年糕同紫薯薯餅。
蒸蛋蛋味濃而滑。炸物全部即叫即炸。芝麻雞翼外皮脆口，肉質嫩滑唔乾有肉汁，好入味。芝士年糕口感軟糯，芝士有流心。薯餅有好甜紫薯味。
✅食日式放題最怕tick 咗無嚟，呢度完全無漏單嘅情況之餘，上菜速度仲好快添！👍🏻
💰呢個質素同環境收每位$268加一都好抵食！長者平啲$188，小童身高介乎90-120cm 仲只收$148添！
💡對於斷食法，每個人體質、飲食習慣都唔同。至於點樣先係有效嘅減肥方法，最好先搵醫生或營養師作評估啦！😛
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
張貼
