大頭蝦南風海鮮酒家

營業中

休息中

位於東涌嘅大頭蝦南風海鮮酒家，絕對係一間值得一試嘅餐廳。-薯仔牛柳粒-爆香咗芫茜、西芹、洋蔥、青椒，薯仔表面煎香，裡面就好粉好淋！牛肉超級無敵軟嫩，勁Juicy！勁有穫氣～超級香超級好食！-面醬肉碎生菜-估唔到生菜都咁入味！生菜保持到爽脆口感，加入辣椒同肉碎，好惹味呀！-川味烤鯇魚-條魚好嫩好滑，魚肉好厚身，啖啖肉！仲加入咗好多配料，好香好濃郁，但唔會太咸，微辣嘅風味會越食越想食！條魚真係好正～屋企嘅老人家都話好食～啲豆卜仲要索晒啲湯汁😍-清涼爽-好耐冇飲過呢罐嘢ヽ（´∀｀）ノ係兒時回憶嘅味道😆入面有涼粉，食完辣辣哋嘅川味烤鯇魚再飲佢，好正好解辣！