Zzz Soufflé Pancake

營業中

休息中

喺西九龍中心行街🛍️，無意中發現6樓新開咗個Food Court🍽️～環境坐得舒服🪑，冇上層咁逼，又乾淨企理，即刻行咗圈睇吓有咩好嘢食！😋👀行過見到有間賣疏乎厘pancake嘅小店，仲要有我最鍾意嘅焙茶味🍵～即刻決定試一試！⸻🍵焙茶疏乎厘Pancake配豆腐雪糕+紅豆 🍨由於係即叫即整👨‍🍳，而舖頭由落單到整嘢食都係店主一腳踢，所以要等大約25分鐘⏳（不過佢有預先講明，所以有曬心理準備）等得耐唔緊要，重點係好味就值得！✨呢個pancake一上枱已經聞到陣陣焙茶香🌿～質感鬆軟到爆☁️，食落有滿滿蛋香味🥚，但完全唔會膩～cream係焙茶味，超香濃但又唔會太甜，茶味控一定會鍾意！底層微暖嘅pancake，配上凍冰冰嘅豆腐味雪糕🍨，加埋甜甜嘅紅豆🫘，口感層次豐富，真係一啖接一啖，唔覺唔覺就清晒成盒！重點係：只係$52‼️超級抵食～連之前食完打卡名店嘅疏乎厘pancake滯到嚇親之後話唔再食疏乎厘嘅男朋友👦🏻都話超正💯 可以再encore！😋完全打破佢對疏乎厘pancake嘅壞印象！⸻❤️‍🔥總結：無論你係甜品控定茶味控，呢個焙茶疏乎厘pancake都值得你用少少時間慢慢等⏳～性價比高、味道出眾、賣相又靚