🔥18爆炒雪花牛肉
一頭牛得三斤刁鑽雪花部位，18秒猛火鎖住肉汁，辣得過癮仲好彈牙，撈飯食到舐舐脷！鑊氣勁！牛肉嫩滑帶嚼勁，配料香辣入味！
🔥湘味酸菜魚
酸酸辣辣，魚肉鮮嫩，十分滋味。
🔥膠原脆皮豬手
湖南秘製滷水慢煮12個鐘，豬手炸到外脆內糯骨膠原爆棚，外皮香脆，肉質軟腍，配合辣椒更惹味。
🔥火爆紫蘇牛蛙
辣香濃郁，牛蛙肉質彈牙，十分推介。
🔥涼拌花甲
清新爽口，適合解辣。
🔥蔥油牛肉餅和大碗飯
熱辣辣，非常夠飽肚。
🍻西瓜檸檬茶同鴨屎香檸檬茶
都幾特別，其中鴨屎香茶味道獨特，有淡淡嘅果香，配辣菜正好。
總括嚟講，現點現炒，出餐快，道道有鑊氣，超級餸飯，菜品豐富多樣，唔洗去湖南也能吃到性價高的小炒湖南菜。地方夠闊落坐得舒服，卡座沙發位置多，有圓枱適合家庭聚餐，朋友聚會，坐一齊先叫圓滿。
