如月居酒屋 (已結業)

今日行通菜街，見到哩間居酒屋裝修得唔錯，咁試試。餐廳好新，好似日本懷舊居酒屋，唔錯。小女子，有小魚幹同核桃幹。調味微甜，核桃食落有焦香味，前菜黎講唔錯。牛油炒支豆，支豆入口軟爛，微帶牛油香味，送酒一流。炸海苔魷魚，外皮焦香脆口，內裡魷魚鮮甜有韌性，再加少少海苔，好味。串燒拼盤，有牛舌串，雞翼串，日本雞腿肉串同豬頸肉串。牛舌用醬烤方式烹飪，其他都係鹽烤。牛舌入口Q彈，秘制醬料香甜醬香味十足。其他幾串用海鹽稍稍調味，已經好好味。海膽明太子冷烏冬，烏冬用日式沙拉醬調味，再撈埋海膽一齊食，每一啖烏冬都嗦曬醬汁，食落好creamy好清爽。魚籽加入，會有少少爆珠感覺，口感好豐富。