影片
更多
2020-07-06
1123 瀏覽
已經係第2次幫襯呢間餐廳，呢度出名食雞串，仲可以品嚐到雞不同嘅部位，好多部位都唔知原來可以食每串都非常有驚喜！上次同老公食完都覺得無論食物，環境，服務都唔錯，已經好想快d再encore。適逢友人好鐘意食日本野，而且一直念念不忙鹿兒島食過嘅雞串燒，所以今次就決定帶埋友人黎食，希望佢喜歡。話說呢間餐廳座位唔多，我已經早咗3日book 枱，但都得返9pm 嘅坐位，好彩鄰近有好多酒吧，我地就飲住酒等食。呢度環境坐起黎好舒服，除咗門口嘅幾個窗口位之外，全程都可以坐住吧枱，望住師傅為我地悉心準備嘅串燒。其實就咁睇個menu都唔會識揀，最後我地每人揀咗$398 set（10串Tama Course），之後再另外散叫。有咗上次嘅經驗，我可以預先同侍應講低我有咩唔食（例如：雞肝及秋葵）佢就可以換其他野俾我。以下係我嘅心水推介！上次食完呢一串，已經覺得好誇張好好味，咬落去係好juicy，好鬆化，味道好濃郁，又有啲油迫出黎咁，好味到難以形容，食極都估唔到呢個係咩位置，但就不斷讚嘆佢有幾好味，後來我先知原來呢串係雞屁股！我之前去台灣，一直都唔敢食雞屁股呢樣野，但我係呢度食完第一次之後，真係令我再三回味！今次黎
呢度環境坐起黎好舒服，除咗門口嘅幾個窗口位之外，全程都可以坐住吧枱，望住師傅為我地悉心準備嘅串燒。
其實就咁睇個menu都唔會識揀，最後我地每人揀咗$398 set（10串Tama Course），之後再另外散叫。有咗上次嘅經驗，我可以預先同侍應講低我有咩唔食（例如：雞肝及秋葵）佢就可以換其他野俾我。
以下係我嘅心水推介！
雞尾（雞屁股）
72 瀏覽
0 讚好
0 留言
上次食完呢一串，已經覺得好誇張好好味，咬落去係好juicy，好鬆化，味道好濃郁，又有啲油迫出黎咁，好味到難以形容，食極都估唔到呢個係咩位置，但就不斷讚嘆佢有幾好味，後來我先知原來呢串係雞屁股！我之前去台灣，一直都唔敢食雞屁股呢樣野，但我係呢度食完第一次之後，真係令我再三回味！今次黎到，我再三講明一定要再食雞尾，依然咁好味！係我心目中嘅top1！
雞冠
80 瀏覽
0 讚好
0 留言
我一路都唔知雞冠係食得，而且一直以為係硬掘掘！但食落去係出奇地軟身又有啲咬口，雞冠本來係無咩味道，但配合埋啲醬油，又非常好送酒，感覺就好似食緊軟身版嘅雞軟骨，食完好想再食～
燒雞翼
50 瀏覽
0 讚好
0 留言
係我人生食過最好食嘅燒雞翼，咬落去非常鬆化，脆得黎又保持到裡面非常juicy，調味調得好好，友人top1！
我係比較鐘意食啲爽口野，呢串心血管特別啱我，脆脆地有咬口！有啲似食緊魷魚！
雞甲狀腺都有得食？咬落去感覺到有層皮包住啲粉粉地嘅野，味道好特別，連我唔鐘意食粉粉地嘅野都覺得係好食嘅！值得一試！
雞腎皮
71 瀏覽
1 讚好
0 留言
燒雞腎本來就無得輸，呢度嘅雞腎皮仲多份口感，好好啅，好食！
Chicken oyster非常嫩滑，不過略嫌唔夠味道～
醬油雪糕
42 瀏覽
0 讚好
0 留言
最後一定要介紹呢個醬油雪糕！無錯！我已經同侍應再三確定佢係醬油！但食落一啲都唔咸，帶點拖肥嘅味道！非常特別，好好味！出面食唔到！食完呢個雪糕，為成餐飯劃上完美嘅句號。
以上都係我嘅心水推介，但我，老公同友人一致通過呢串山葉雞卷（應該是紫蘇葉吧？）係全晚最失望最扣分嘅一串！其實佢就係雞胸肉包住塊葉，可能我地接受唔到葉嘅味道，比較臭青，最後成舊我都係隔硬吞落肚！
整體黎講，無論環境，食物，氣氛，服務，我地都非常滿意，絕對對得起呢個價錢，友人仲覺得呢度比鹿兒島食過嘅雞串更好味添！
張貼
