成記茶寮

營業中

休息中

難得假日休息，就同細佬揸車入元朗搵食！元朗豉油皇豬扒飯，就係人都知好味！今日就等我一嚐佢地嘅美味！當時大約2點30左右，心諗應該冇咁多人，去到我地都等左5分鐘左右真好彩！成記豬扒飯嘅份量就如同佢嘅聲名一樣「咁大咁響亮」！但我地兩兄弟兩個麻甩佬心諗，冇理由搞唔掂一碟碟頭飯！但當碟飯實實在在放係你面前，方知自己嘅渺小！我叫左豉油皇豬扒雞球，細佬就叫左豉油皇豬扒雞翼！豬扒厚而不粗鞋，肥而不油膩！雞翼和雞球亦十分入味！兩者亦沒有任何雪味十分出色！而比這麼者更出色的都莫過於佢地嘅豉油汁！可說是畫龍點睛，將一碟大排檔簡簡單單嘅頹飯，升華去另一個層次！點解呢編食評嘅標題係叫：「這就是態度！」呢。話說今日係成記發生左段小插曲，雖然唔關我事不過都值得同大家分享。同過咁多人對成記嘅食評多數都係讚啲嘢好好食，但服務態度好差！去過食嘅朋友都應該知嗰到就好似戰場，「亂」可以黎形容佢地嘅環境，但並不能形容佢地嘅運作，老闆要睇住爐灶之餘還有時間兼顧樓面嘅運作！由於水吧連續幾次出錯飲料，而場中沒有任何人應頭！老闆便在廚房中大吼一句：「再錯就同佢地講乜X都冇，賣X晒！」😂😂 本人並不是話老闆嘅舉動係正確，但這是街邊大排