影片
更多
2010-08-22
161 瀏覽
在尖沙咀港晶中心地庫一角，有一間完全唔起眼嘅日本餐廳叫鮨海，默默地經營了八個多月。今次經友人介紹到來，具級數嘅食物水準，令人舒服嘅服務態度，簡單舒適嘅環境，值得向大家推介一下。頭盤先來個溫泉蛋，聞落有陣陣柚子香味，蛋白望落雖然唔係通透晶瑩，但食落蛋味香濃，口感相當滑溜，最後一啖一口氣吞下整個蛋黃，完美！食完溫泉蛋，來個池魚薄切，肉質鮮甜有彈性，每片魚肉通透白淨，入口爽脆，配少少青檸汁將鮮味進一步提升，精彩！ 薄切唔夠喉？師傅接住送上幾件厚切！吞拿魚油甘香芳醇，帆立貝肉厚鮮甜，絕對無令我失望。另外仲有夏季時令嘅伊佐木刺身，顏色淡白，食落口感柔軟滲出魚脂香，最令人難忘就係邊位部份，真係鮮味到暈！試過刺身後，壽司亦係預期中嘅水準，飯圑部份呈小橢圓型，握得好細好軟，可見師傅手握技巧相當到家。食過幾份魚生同壽司後，緊接送上一碗熱辣辣嘅吸物。吸物係椎茸湯，有別於濃味嘅麵豉湯，椎茸湯入口鮮甜清新，相當好飲，如果能再加上湯葉或柚子皮就更精彩吸引...燒鯖魚由於我唔太中意食，唔比意見，但朋友們都對此物讚不絕口，而我最中意就係右邊醃得酸酸嘅蓮藕片，如果有得散叫，來一客佐酒絕對一流...而另一個菜式，炸天婦
頭盤先來個溫泉蛋，聞落有陣陣柚子香味，蛋白望落雖然唔係通透晶瑩，但食落蛋味香濃，口感相當滑溜，最後一啖一口氣吞下整個蛋黃，完美！
食完溫泉蛋，來個池魚薄切，肉質鮮甜有彈性，每片魚肉通透白淨，入口爽脆，配少少青檸汁將鮮味進一步提升，精彩！ 薄切唔夠喉？師傅接住送上幾件厚切！吞拿魚油甘香芳醇，帆立貝肉厚鮮甜，絕對無令我失望。另外仲有夏季時令嘅伊佐木刺身，顏色淡白，食落口感柔軟滲出魚脂香，最令人難忘就係邊位部份，真係鮮味到暈！
試過刺身後，壽司亦係預期中嘅水準，飯圑部份呈小橢圓型，握得好細好軟，可見師傅手握技巧相當到家。
食過幾份魚生同壽司後，緊接送上一碗熱辣辣嘅吸物。吸物係椎茸湯，有別於濃味嘅麵豉湯，椎茸湯入口鮮甜清新，相當好飲，如果能再加上湯葉或柚子皮就更精彩吸引...
燒鯖魚由於我唔太中意食，唔比意見，但朋友們都對此物讚不絕口，而我最中意就係右邊醃得酸酸嘅蓮藕片，如果有得散叫，來一客佐酒絕對一流...而另一個菜式，炸天婦羅脆漿粉好薄，咬落去係聽得見的爽脆，而且炸得唔油膩，值得一讚。其中甜度十足嘅蕃薯，更令人回味無窮。不過炸冬菇略嫌太乾，味道差左少少...
套餐唯一俾你自己決定嘅係要熱湯烏冬或者凍烏冬。由於天氣悶熱，我還是選擇左凍烏冬。呢度做得唔錯，每條烏冬都非常分明，彈牙爽口，食起上黎唔會糊口，非常喜歡。
甜品有多款雪糕選擇，柚子，紅豆，豆腐，芝麻任君選擇，總有一款會滿意吧～！老闆另外再送上紅豆燒年糕俾我地品嘗，不過我掛住同老闆傾計，年糕放涼左感覺差左啲，不過上面的紅豆又的確相當討好。
其實要喺香港搵一間日本餐廳食Omakase，好容易，但係唔係啱自己口味，真係要黎試下先知。呢度Omakase價錢有$400, $600, $800, $1000四個組合，今次大家所見係$400套餐，相信一睇就覺得值回票價吧！
張貼
