影片
更多
2011-10-12
47 瀏覽
山長水遠都黎食, 幫襯左好多次. 好食同值得推介既已有好多人介紹過.今次確實有D嬲. 不嬲都知落第一次單既野食就黎快D. 第2次加單就要等成粒鐘先有得食.一開始黎左D鐵板類+炸物先. 食完就等. 等約半小時先有第2輪野食 - 串燒.食完晒之後其實都係個幾鐘之後既事, 我地發覺帶子未黎. 就叫個侍應如果未整既就唔好黎 (因為太耐喇...)之後個侍應 "好好" 咁話: 等我睇下整左未先下.... 整左喇喎, 等多陣啦~好衰唔衰我地坐既位置係望到負責整帶子0個個員工. 個侍應就同個員工打眼色+細細聲: 4隻帶子...我見個員工即刻點頭示意"收到!" , 此刻真係嬲.其實預左食預左俾錢, 係因為D野食黎得太耐所以想CUT左佢. 點知俾我見到D咁既態度. 一口話我知 "整緊, 就到" 都冇咁嬲!!最後4隻帶子出到黎個樣, 置身於水塘一樣. 梗係貪快加勁多水燒.....好似食緊sarp(灼)帶子............(我睇到其他食評家既帶子相, 同我食既非常大分別)其實我地食緊中途, 前面有台客, 我見佢地因為D野食等太耐未黎, 追過一次單.到最後佢地叫埋單時, 有個侍應同佢地講: D野食未到
今次確實有D嬲. 不嬲都知落第一次單既野食就黎快D. 第2次加單就要等成粒鐘先有得食.
一開始黎左D鐵板類+炸物先. 食完就等. 等約半小時先有第2輪野食 - 串燒.
食完晒之後其實都係個幾鐘之後既事, 我地發覺帶子未黎. 就叫個侍應如果未整既就唔好黎 (因為太耐喇...)
之後個侍應 "好好" 咁話: 等我睇下整左未先下.... 整左喇喎, 等多陣啦~
好衰唔衰我地坐既位置係望到負責整帶子0個個員工. 個侍應就同個員工打眼色+細細聲: 4隻帶子...
我見個員工即刻點頭示意"收到!" , 此刻真係嬲.
其實預左食預左俾錢, 係因為D野食黎得太耐所以想CUT左佢. 點知俾我見到D咁既態度. 一口話我知 "整緊, 就到" 都冇咁嬲!!
最後4隻帶子出到黎個樣, 置身於水塘一樣. 梗係貪快加勁多水燒.....好似食緊sarp(灼)帶子............(我睇到其他食評家既帶子相, 同我食既非常大分別)
其實我地食緊中途, 前面有台客, 我見佢地因為D野食等太耐未黎, 追過一次單.
到最後佢地叫埋單時, 有個侍應同佢地講: D野食未到齊, 唔埋得單喎. (我心諗... 係你地太慢 (講緊既係至少等左9個字) , 客人有理由咁做, 同埋咩叫"唔埋得單?" )
之後個客同佢講: 唔等喇, D野食太慢, 我地等左好耐.
仲有. D野食越黎越多味精. 飽到捧住個肚返家都飲左500ML水.
我諗真係要改善下. 如果唔係熟客仔都走埋.
環境: 因店鋪細, 所以不寬敞. 每次有人行過都係擦(食客)身而過.
服務: 尚算ok. 禮貌地 "叫" 你.
(預先訂位唔駛等)
張貼