影片
更多
2020-06-08
866 瀏覽
晚飯後心思思想食甜品，同先生行咗嚟廣華街覓食，選擇亦唔少，最後揀咗呢間頗有人氣嘅甜品店。甜品選擇多元化，主打窩夫雪糕同刨冰，亦有芋圓西米露、燉蛋、火焰雪山同傳統中式糖水等比較主流嘅甜品，價錢亦算合理。雖然窩夫非常吸引，但剛剛食飽飯實在食唔落，唯有留返下次再挑戰，最後我哋揀咗兩款冰涼消暑嘅甜品。水晶仙草芋圓杯份量唔少，有寒天水晶、仙草、芋圓、西米同脆珠，口感各有不同，配搭清甜嘅椰汁糖水，非常合拍。三色芋圓份量頗多，大小適中，味道雖然唔算突出，但口感非常煙韌，非常討喜。寒天水晶入口滑捋捋，味道偏淡，配搭糖水一齊食就啱啱好。榴槤小丸子西米露一上枱就散發住醉人嘅香氣，榴槤西米露配搭小丸子同脆珠，西米露同脆珠賣相相近，但口感就好唔同，西米露入口軟糯，而脆珠口感爽脆，加上煙韌同帶少少糯米香嘅小丸子，令成個糖水嘅口感非常豐富。成個糖水嘅主角當然係榴槤，入口質感冰涼軟滑，味道非常香濃，完全係幸福嘅滋味！兩款西米露甜品各有千秋，兩款都冰涼透心，好適合炎炎夏日，下次一定要留肚再嚟挑戰雪花冰同窩夫！
晚飯後心思思想食甜品，同先生行咗嚟廣華街覓食，選擇亦唔少，最後揀咗呢間頗有人氣嘅甜品店。
甜品選擇多元化，主打窩夫雪糕同刨冰，亦有芋圓西米露、燉蛋、火焰雪山同傳統中式糖水等比較主流嘅甜品，價錢亦算合理。
雖然窩夫非常吸引，但剛剛食飽飯實在食唔落，唯有留返下次再挑戰，最後我哋揀咗兩款冰涼消暑嘅甜品。
水晶仙草芋圓杯
$48
24 瀏覽
0 讚好
0 留言
水晶仙草芋圓杯份量唔少，有寒天水晶、仙草、芋圓、西米同脆珠，口感各有不同，配搭清甜嘅椰汁糖水，非常合拍。
水晶仙草芋圓杯
$48
28 瀏覽
1 讚好
0 留言
三色芋圓份量頗多，大小適中，味道雖然唔算突出，但口感非常煙韌，非常討喜。
水晶仙草芋圓杯
$48
16 瀏覽
0 讚好
0 留言
寒天水晶入口滑捋捋，味道偏淡，配搭糖水一齊食就啱啱好。
榴槤小丸子西米露
$52
25 瀏覽
0 讚好
0 留言
榴槤小丸子西米露一上枱就散發住醉人嘅香氣，榴槤西米露配搭小丸子同脆珠，西米露同脆珠賣相相近，但口感就好唔同，西米露入口軟糯，而脆珠口感爽脆，加上煙韌同帶少少糯米香嘅小丸子，令成個糖水嘅口感非常豐富。
榴槤小丸子西米露
$52
14 瀏覽
0 讚好
0 留言
兩款西米露甜品各有千秋，兩款都冰涼透心，好適合炎炎夏日，下次一定要留肚再嚟挑戰雪花冰同窩夫！
張貼
