幸福單品咖啡

營業中

休息中

又係一個送返學既早上，每日既動力就係送完返學係附近揾餐好食😋今日黎到呢間好有台灣小咖啡店feel☕️，店面雖然細細，一睇個咖啡menu種類多到選擇困難症又發作。叫左個 真幸福三文治，有四件，每件都係大大件，煎得脆脆嘅麵包，加雞蛋厚厚，加黑椒就仲有午餐肉同菜，非常豐盛，味道亦配合得非常好👍🏻真係由賣相至每一啖都有幸福感。朋友食既係煙肉牛油果沙律，重配上煎好的兩件多士 。牛油果，生菜 ，蕃茄，青瓜，煙肉再嚟黑椒，煙肉唔會好肥，蔬菜同蕃茄清新健康 ，面頭鋪滿牛油果，牛油果控一定失控。我地兩個都唔係好識欣賞啲精品咖啡，所以叫左一杯伯爵茶同Ice mocha, 味道都唔錯，如果識飲咖啡的話，不仿黎試下個coffee menu。