Arte by Padaria (已結業)

前排收工喺上環地鐵站見到呢間餅店啲蛋糕仔好精緻，就買返幾件拎返屋企做甜品，屋企人都好鍾意。我哋每樣都切開嚟大家試吓😚最鍾意係食桃味！我之後再去咗呢間餅店買蛋糕同朋友慶祝生日可以再分享一下～～🍊迷你柑🍊啱哂鐘意食朱古力橙嘅朋友仔! 入面加左啲柚子皮，除左增加口感之外，更好嘅係可以中和下層朱古力嘅甜，夾出嚟味道啱啱好🍊🍑迷你桃🍑整到好似呢個🍑emoji咁，免頭仲加咗塊金箔，又靚又好食！好香桃味，酸酸甜甜，最鐘意呢款😙🍐迷你梨🍐呢個相對上面兩款會淡味小小，而本身梨亦唔係濃味嘅生果，加埋雲尼拿啫喱，食落香得嚟唔會太甜🍐🍏迷你蘋果🍏中間係炒香左嘅焦糖蘋果，加埋雲尼拿慕絲一齊食，出嚟係有奶香嘅味道，產生嘅化學作用幾令人surprise～