初味 (已搬遷) 新店位置

因為疫情關係我都有一段日子無出街食飯啦。但係真係好想食呢間餐廳嘅燒乳豬，自己係屋企整到嘅嘢好有限，燒乳豬絕對自己整唔到。所以今次決定去買個外賣返去加餸！每逢係西班牙餐廳見到一定必點燒乳豬，但係無諗到係呢間小店都有燒乳豬食。食到時都幾驚訝，皮燒得薄脆，肉質保持鬆軟多汁。本來淨係想買乳豬，但發現自己都好耐無食甜品，咁就買埋甜品拼盤返去，一共有四款甜品，我覺得提子冧酒雪糕最特別，味道唔會太甜，唔錯。呢間小店，雖然裝修不起眼，但食物質素確係幾好，會繼續支持小店！