平記富金軒雲南米線

營業中

休息中

富金軒貴為米線關注組嘅新寵，👦🏻👧🏻緊係要走去試啦！第一次去忘記星期日係休店日，老闆娘仲好勤力準備下一星期嘅湯底。今次就喺新年前嘅星期六下午到店，當時仍然係二人一枱，全場爆滿！🌟 BB辣 炸醬 招牌腩肉 腐皮角小窩米線湯底嘅酸麻辣味幾突出，酸辣唔算太酸平易入口，呢個辣度岩曬食開清湯/10小辣嘅👧🏻。湯底略嫌太咸😟，睇返群友解釋老闆娘星期日煲湯，湯底越滾越咸，所以星期六嘅湯底會係最濃味。如果喜歡較清淡嘅朋友可以閒日去食🤪米線煮得爽口，份量就唔算好平均，👧🏻嘅小窩米線就超大碗，👦🏻嘅黃酒雞湯米線份量就唔夠食😫。由於怕湯底太油，就叫咗炸醬另上。炸醬炒得好乾身，肥瘦均勻，滲出輕微麻辣味，浸湯再食好好味🥰 腩肉瘦肉偏多，👧🏻就最鐘意佢夠惹味唔Un 😏 腐皮角就正正常常，冇深刻印象。🌟 豬頸肉 豬大腸 黃酒雞湯米線🍜黃酒雞湯係富金軒嘅皇牌之一，雞湯酒味比預期明顯，容易入口。可能太多人嚟食煮唔切，雞件煮得熟+算嫩滑，不過唔夠熱+斬得唔好有雞骨碎。豬頸肉厚切爽口，可以再Encore👍🏻。豬大腸中規中矩，唔算入味，太腍冇咩口感🥲。