帝京軒

喂食Niki去搵好嘢食😋近排鬧到滿城風雨嘅一人盆菜。選擇有三間，小妹見帝景軒嘅鮑魚海味一人盆菜 **不包括黑色鋁鍋只係$298。價錢合理，所以想試吓。需早一日預訂。講開又講，其實一人盆菜究竟係一個點樣嘅概念？因為食盆菜最主要係想一家人聚下。如果自己一個食，其實每樣餸夾埋一齊係同一個味，都會幾悶。睇嚟都係gimmick🌟外賣嘅袋係sharp醒晨的黃色。但係其實一人盆菜好細，個袋太大啦，拎嘅時候個盆菜會搖來搖去。勝在餐廳包得好實，啲汁只係晾咗喺食物容器旁邊，完全冇漏汁👍🏻食物方面有：-🦐茄汁虎蝦 x 1頂級八頭湯鮑魚x1蝦籽花膠 x2日本宗谷貝 x1砵酒金蠔 x1天白花菇 x1冰燒五層腩 x1玫瑰油雞 x1柱侯蘿蔔x 1泮塘蓮藕 x幾件乳香豆卜 x 幾件翠綠蘭花 x 1🦐蝦的質素如何？我諗真係比較難保證質素。鮮蝦鮮蝦，都係新鮮煮嚟食會比較好。但意頭野食完蝦就笑哈哈😆又唔可以冇咗佢喎。其餘餸菜OK。食完亦都好飽。推唔推介？我覺得如果自己一個人想食盆菜應吓節，呢個都會係一個幾好嘅選擇。不過如果係食飯，我會想食其他嘢，唔會件件餸都一樣味吖嘛。亦都唔使去到好遠外賣再返屋企煮熱佢。