安平燒肉

營業中

休息中

又是4人幫的放題聚會啦！由於我們兩對夫婦已步入中年？消化機能已應付不到晚市放題了，吃完頂住個胃，好難瞓覺架！所以通常會尋找午餐放題，又專揀無限時或最少3個鐘的放題，還會一餐當三餐。安平燒肉店的裝修新淨，充滿台灣氣氛，尤其喜愛掛滿的黃色燈籠。招呼都吾錯，執碟和換燒網都夠主動。進食期間，發生小插曲。話說朋友與一位年青女侍應閒聊搭訕，稱呼對方姐姐？小妮子甜笑回應她不是姐姐，應該稱呼妹妹或靚女嘛！歡笑中吃喝，食客吃得開心，招待的也樂在其中嘛！食物方面，我們點了最貴的澳洲和牛餐，個人覺得性價比一般而矣。和牛的牛肉味不夠濃，蝦和帶子都只是中價貨。若再選擇，走中間路線的安格斯牛已經足夠了。整體上，牛肉部位種類算多，其他食材都質素平均。最好吃的不是和牛或安格斯牛，而是送的牛舌心，真是牛味重兼爽彈口，每人只限送兩件，想添食？盛惠68蚊3件，梗係吾捨得加單啦！另一回本食物是鴨舌，好好味。個人吃了10支左右，外邊購買吾平架！此外，飲品款式都幾多，除了自家制的茶類和正常的汽水，首次見有石榴汁，幾清甜的。四個鐘的燒肉放題，轉眼間又夠鐘了，會否安歌？當然會。