澳門翠苑餐廳

營業中

休息中

唔知幾多個月前呢間食過農夫包，一食就愛上。呢個晚上又有機會過黎啦。估唔到夜晚都幾多人，都坐左七成人到啦。不過衛生就普通啦，唔係太乾淨。西湯呢個飲唔飲都得，因為味道好淡，同上次飲既一樣。凍咖啡真係幾得既，面頭有咖啡粉架。好得意，咖啡味好濃，飲完真係好醒神。牛柳農夫包第一次黎錯個牛腩農夫包，之後換番個。個包都係咁大個，咖喱味好夠。牛柳都幾多，肉質鮮嫩，又唔會太韌。個汁有料到，咖喱味好重又唔算太辣。食完真係好飽。雖然係熟食中心，但都有專人俾個餐你架。個農夫包餐有對手套俾你，真係幾細心。