麻辣派對 (金百利廣場) (已結業)

今日好凍，想食啲辣嘢亂一亂過身。嚟到麻辣派對，見到每一台都食唔同嘅辣嘢，入到餐廳已經聞到好香嘅味道。每樣嘢食都可以揀大中細辣。我哋叫咗前菜口水雞，啲肉好鮮嫩，有花生，香菜，好醒胃！另外叫咗幾樣小菜，有涼粉，乾扁四季豆，京蔥炒羊肉。每樣食物，都好有鑊氣，好入味，完全對得起個價錢。配飯一流。另外想讚一讚佢嘅水果茶， $38 ，好大杯，生果好足料。入邊有西瓜，橙，檸檬，火龍果，呢度食辣嘢，一路飲水果茶，好解渴。見到好多人都食水煮魚，或者海鮮，下一次一定要試吓。價錢亦都唔係太貴。一家大細來啱晒！