嫲嫲辣辣 (首都廣場) (已結業)

星期日同女朋友行開尖東諗住去科學館行下嘆下冷氣，去之前搵間野食晏先，行黎行去都唔知食乜好，尖東舖頭都執左一片有無乜好嘢食，點知見到一間辣野叫‘嫲嫲辣辣，辣野我岩呀，呢間野係連鎖店，之前成日都見到就係未食過，相請不如偶遇，價錢又正常午餐價50-60，決定今餐食佢。入到去星期日午餐時間無乜人，坐低睇menu 款式唔多，有幾款午餐同自選配料麻辣香鍋加個飯。麻辣香鍋揀左兩款餸，薯粉加牛肉麻辣香鍋。結果個餐一上台果一刻比個辣椒份量嚇親，辣椒多過餸，不過弊在啲辣椒唔食得呢。牛肉同粉味道都ok ，不過牛肉個量太少得4-5片，唯有扒多兩啖飯先食一塊。不過好彩有叫薯粉，最後勉強食個7成飽酸菜魚米線叫左中辣的確係幾辣，個湯幾好飲。不過份量都係偏食，飲埋個可樂，女朋友都只係7成飽。