麻辣派對 (瑞生酒店) (已結業)

今日放假去左尖沙咀逛街，K11 附近加連威老道有間麻辣派對，個店舖名幾特别，食店嘅裝璜都幾新派吸引，五光十色，座位空間感足夠。食品以麻辣作賣點，辣度任君選擇。干煸四季豆香氣十足，四季豆腍而清甜，小辣豉味爆香嘅椒粒，夠晒惹味可口。回鍋肉脆香而不油膩，肉質腍滑，肥瘦適中，伴菜椰菜，青椒，紅椒等充滿豐富色彩。家常豆腐是素食，伴菜有雲耳，筍粒，菇粒，芥蘭等，平實而健康。小辣牛肉小麵好大碗，牛肉薄切夠爽脆，麵條亦彈牙爽口，麻辣湯底好惹味，加上香脆嘅花生，令湯麵嘅口感更加豐富。