湘聚小廚

營業中

休息中

利申：我只係食到小辣既人～今日比2個西環友帶左我去食呢間《魚頭麵 $33》佢地自己手做，點解叫魚頭麵我就無點八掛問，但口感好唔同一般既麵，麵質比較有質感，扁身但條條分明，唔會癡埋一注。湯底好清，應該係魚湯（？）其實呢個配埋《悠香醉魚 $48》食係好配。悠香醉魚質感似廷身既鹹魚，但唔會鹹，而係辣！ 麻辣度都幾強。酸辣木耳 $38表面睇似唔多辣，但入口後麻辣慢慢散出，幾辣下，底部原來有好多麻辣汁，木耳吸晒d 辣好入味。板栗燒豬手 $118呢味唔辣，佢地有辣既豬手食，但我想食栗子所以要呢個。同樣地好夠鑊氣，豬手炆到好稔，完全入口溶化，啖啖骨膠原好養顏，岩晒女士☺️*有加一*服務唔錯有禮貌。人多要等位，但佢地細心地搬櫈比我地坐。落單、𢴇枱快。